top of page
Search

اسکرپٹ: ٹرانسفرمیشن ڈاکٹر عمران یوسف

اسکرپٹ: ٹرانسفرمیشن ڈاکٹر عمران یوسف




Burnout کے اسباب اور نتائج کے طریقے

برن آوٹ آج کی پروفیشنل لائف کا ایک عام مسئلہ بن چکا ہے۔

ہوسکتا ہے، آپ بھی اس کا شکار ہوں،

آپ نے کبھی سوچا کہ آپ اس کا شکار کیوں ہوتےہیں؟

برن آوٹ ایک طرح کا Risk ہے جس کا شکار بہت سے لوگ ہوتےہیں۔

جب ہم اپنے اندر جاری گفتگو سننے کی بجائے دوسروں کی باتوں سے زیادہ متاثر ہوتے ہیں تو ہم برن آوٹ کا شکار ہوجاتےہیں

جب ہم اپنے لیے زندگی گزارنے کی بجائے دوسروں کی خاطر محنت و مشقت کرتے رہتےہیں تو ہم برن آوٹ کا شکار ہوجاتے ہیں۔

جب ہم اپنی جسمانی اور ظاہری خواہشات پورا کرنے پر تمام توجہ دیتے ہیں اور اپنے ذہن اور روح کی ضروریات کو بھول جاتے ہیں تو برن آوٹ ہوتا ہے۔

جب ہم دوسروں سے تو بہت بااخلاق ہوتے ہیں مگر اپنے آپ سے صرف نظر کرجاتے ہیں۔

جب ہم دوسروں کو راحت پہنچانے کیلئے خود کو انتہائ بے آرام کردیتے ہیں۔

جب ہم اپنے لیے وقت نکال نہیں پاتے تو برن آوٹ میں مبتلا ہوجاتے ہیں۔

برن آوٹ کی صورت میں ہم اپنے اوپر بوجھ طاری کرلیتے ہیں… ایسا بوجھ جو ہمارا اپنا نہیں ہوتا، دوسروں کا ہوتا ہے۔

ایسے میں آپ دوسروں سے زیادہ مخلص ہوتےہیں، اور خود سے غیر مخلص۔


اور ہم، بہ ظاہر اسے اپنی رضامندی سے اسے اٹھاتے ہیں، لیکن ہمارے اندر کا انسان، ہمارا self اس بوجھ کو اٹھانے کیلئے تیار نہیں ہوتا۔

تب ہم چھوٹی چھوٹی باتوں پر پریشان ہونے لگتے ہیں اور الجھنا شروع کردیتے ہیں۔

ہم سمجھ نہیں پاتے کہ یہ سب ہمارے ساتھ کیوں ہورہا ہے اور کیا ہورہا ہے۔

جب ہم نہیں جانتے کہ ہمیں کیا کرنا چاہیے۔

ایسے میں سب سے پہلے سب کچھ چھوڑدیجیے۔ اس بات کی پروا نہ کیجیے کہ لوگ آپ کے بارے میں کیا سوچیں گے، کیا کہیں گے۔

اپنے ساتھ وقت گزارنے کیلئے کچھ وقت نکالیے… روزانہ۔

تنہائ میں، خاموشی سے بیٹھ جائیے ۔

اپنے اندر جھانکیے اور سنئے کہ آپ کے اندر موجود انسان آپ سے کیا کہہ رہا ہے۔ آپ کا self آپ سے باتیں کرنے کیلئے بے چین ہے۔

آپ کو اندازہ ہوگا کہ آپ یوں تو دوستوں میں گھرے ہوئے ہیں لیکن اندر سے بہت ہی تنہا ہیں۔

آپ کے چہرے پر ہنسی ہے، مگر دل کی دنیا میں ڈپریشن ہے۔ مایوسی ہے۔ غم ہے۔

آپ دوسروں کے ساتھ کامیابی اور پیسے کی دوڑ میں دوڑ رہے ہیں، مگر اندر سے آپ کا دماغ اور روح بالکل منجمد ہیں۔

تو پھر، ٹھہر جائیے۔

کچھ وقت کیلئے سب کو چھوڑ کر اپنے آپ سے ناتا جوڑ لیجیے۔

اپنے آپ سے باتیں کیجیے۔

اپنے اندر جاری گفتگو کو سنیے۔

اپنے اندر موجود اپنےself کی ضروریات کو جانئے اور اس کی یہ ضروریات پوری کیجیے۔

آپ کی زندگی میں دوبارہ خوشی، سکون اور اطمینان آسکتا ہے۔ کیوں کہ یہ تینوں چیزیں آپ کو آپ کے باہر کی مادی دنیا میں نہیں ملیں گے، آپ کے اندر ہی چھپی ہیں۔

لیکن آپ انھیں باہر تلاش کرتے کرتے برن آوٹ کا شکار ہوچکے ہیں۔


152 views0 comments

Comentarios


bottom of page